ఆయన చిత్తమును పూర్ణముగా గ్రహించినవారునై,
లోపాలను మనము గుర్తించగలము. పౌలు వారి ఆధ్యాత్మిక జీవితంలో లోటుగాఉన్న విషయాల కోసం ప్రార్థిస్తున్నాడు. పౌలు ప్రార్థనలు పరిశుధ్ధుల యొక్క ప్రాధమిక మరియు ముఖ్యమైన అవసరాలను సూచిస్తున్నాయి.
ఈ ప్రార్థన రెండు భాగాలుగా వస్తుంది. మొదటి సగం కొలొస్సయులకొరకు విజ్ఞాపన మరియు రెండవ సగం దేవుడు క్రీస్తులో ఇచ్చిన ప్రత్యేక హక్కులకు కృతజ్ఞతలు.
ఆయన చిత్తమును పూర్ణముగా గ్రహించినవారునై
పౌలు కొలొస్సయుల కొరకు ప్రార్థించే రెండు అభ్యర్థనలలో ఇది మొదటిది. పౌలు అడిగిన మొదటి మనవి ఏమిటంటే, కొలొస్సయులు దేవుని చిత్తమును గూర్చిన జ్ఞానముతో నిండిఉండుటకు ప్రార్థన.
ఇది గొప్ప కోరిక యొక్క ఫలితం. “అడగండి” అనే పదానికి భావము ప్రార్థన , అది ఉత్సాహాన్ని సూచిస్తుంది. ఇది చాలా శ్రద్ధగల అభ్యర్థన.
“ఉండవలెనని” అనునది ప్రార్థన అభ్యర్థన యొక్క ఉద్దేశ్యం.
“జ్ఞానం” అనే పదానికి వాస్తవాల ఉపరితలం దాటి వెళ్లడం అర్థం. ఇది వాస్తవాలలోని సత్యాన్ని చూస్తుంది. ఇది సత్యంలో అనుభవాన్ని కనుగొంటుంది. ఈ అంశంపై దృష్టి కేంద్రీకరించిన అనుభవం నుండి పొందిన పూర్తి జ్ఞానం ఇది. ఇక్కడ పనిచేసే సూత్రం ఏమిటంటే, దేవుని చిత్తం దేవుని వాక్యంలో ఉంటుంది. దేవుని వాక్యం కాకుండా దేవుని చిత్తాన్ని మనం తెలుసుకోలేము. దేవుడు తన ప్రత్యేక ఇష్టాన్ని ప్రకృతిలో, చెట్లలో మరియు పువ్వులలో వెల్లడించలేదు. దేవుడు తన వాక్యానికి ఎప్పుడూ విరుద్ధం కాదు. దేవుడు తన వాక్య సూత్రాలను ఎప్పటికీ అధిగమించడు.
“నిండిన” అనే పదం పైకి లేదా అంచుకు నింపాలని సూచిస్తుంది. దేవుని చిత్తమును గూర్చిన జ్ఞానముతో సంతృప్తి కలిగినవారై ఉండాలని పౌలు ప్రార్థిస్తున్నాడు. వారు దేవుని చిత్తంపై పూర్తి అవగాహన పొందాలని ఆయన కోరుకుంటాడు. “నింపబడినది” అంటే అతిచిన్న వివరాలకు నియంత్రించబడాలి. జీవితంలోని ప్రధాన నిర్ణయాలలోనే కాకుండా చిన్న నిర్ణయాలలో కూడా దేవుని చిత్తాన్ని మనం తెలుసుకోవాలి. ఇది మన ఉద్దేశాలు, ప్రణాళికలు మరియు ఆలోచనలకు విస్తరించాలి.
మనలో చాలామంది ఆహారం తప్ప మిగతా వాటితో సగం నిండినందుకు సంతృప్తి చెందుతాము. మనం నిండినంత వరకు తినడం మానేయము. ఆధ్యాత్మిక ఆహారం విషయానికి వస్తే మనం అలా కాదు. ఆధ్యాత్మిక విషయాలలో కొంత ఆహారంతో సంతృప్తి చెందాము. మనము ఆధ్యాత్మికముగా చిరుతిండి తినుటవలన చాలా తక్కువ ఆధ్యాత్మిక శక్తితో మాత్రమే ఆధ్యాత్మిక పందెములో పరిగెత్తుతాము. మనం ఆధ్యాత్మిక ఆహారంతో నిండి ఉండాలనేది దేవుని చిత్తం. మనలో చాలా మంది సగం కూడా నిండి ఉండరు. దేవుని చిత్తం యొక్క జ్ఞానంతో మనం నిండినట్లు ఉండాలని దేవుడు కోరుకుంటున్నాడు. దేవుని చిత్తంలో మనం నిపుణులుగా ఉండాలని దేవుడు కోరుకుంతున్నాడు. దేవుడు ఈ ప్రార్థనకు సమాధానమిస్తే, మన జీవితానికి ఆయన చిత్తం యొక్క అన్ని అంతర్భావాలు మనకు తెలుస్తాయి.
నియమము:
మేము దేవుని చిత్తంగురించి అవగాహన కలిగి ఉంటే తప్ప మనం ఎదుర్కొనే ఆధ్యాత్మిక యుద్ధంలో మనకు తక్కువ జ్ఞానం మరియు అవగాహన ఉంటుంది.
అన్వయము:
మనకు తక్కువ ఆధ్యాత్మిక వివేచన ఉంటే, దానితో పాటు వచ్చే ప్రతి ఆధ్యాత్మిక వ్యాధిలో మనం చిక్కుకుంటాము. మనము అసంబద్ధమైన బోధనకు గురవుతాము. డాక్టర్ హ్యారీ ఐరన్‌సైడ్ ఇలా అన్నారు, “ఇది క్రొత్తదయితే, ఇది నిజం కాదు. ఇది నిజమైతే, ఇది క్రొత్తది కాదు. ”భిన్నమైన లేదా క్రొత్తదాన్ని స్వీకరించే ముందు మనం జాగ్రత్త వహించాలి. ఇది బైబిల్ నుండి దారిమళ్ళుతుంటే మనం జాగ్రత్తగా ఉండాలి.
